Սեւակ Ամրոյան.«Փորձեցի խաղալ, բայց պարտվեցի»

Սեւակ Ամրոյանը շուրջ մեկ ամիս արտերկրում էր, իսկ թե ինչ նպատակով, պատմել է BRAVO.am-ին։ Նա 2017 թվականը դիմավորել է Միացյալ Նահանգներում, որտեղ թեեւ նախկինում եղել էր, սակայն առաջին անգամ էր որպես զբոսաշրջիկ։

Սեւակ Ամրոյանն այցելել է Միացյալ Նահանգներ


Ժողովրդական երգիչը հանգստի ընթացքում տեսահոլովակ է նկարել, զուգերգը Գառնիկ Սարգսյանի հետ է։ «Արժանի» երգի հեղինակն Էդմոն Մակարյանն է, այն ընդգրկված է Սեւակի՝ նախորդ տարի թողարկված առաջին ձայնասկավառակում. «Գառնիկը սփյուռքում հայտնի է իր հեղափոխական երգերով: Այս երգը նվիրված է մեր հերոսներին, մեկ-երկու շաբաթից կկայանա պրեմիերան»։

Սեւակ Ամրոյանը եւ Ջոն Մեյերը

Երգիչը եղել է Արիզոնայում, Լաս Վեգասում, Գլենդելում, այցելել ժամանցի տարբեր վայրեր, սակայն նրան ամենաշատը տպավորել է ամերիկացի հատնի երգիչ Ջոն Մեյերի ակումբային համերգը.«Շատ հետաքրքիր օր էր: Նա ակումբում ելույթ էր ունենում շուրջ 100 հոգու առջեւ, իսկապես տպավորիչ համերգ էր։ Վեգասում էլ փորձեցի խաղալ, բայց պարտվեցի։ Չնայած՝ ազարտային խաղերի սիրահար չեմ, բայց այնտեղ լինել ու խաղատանը չխաղալ, կարծում եմ՝ անմտություն է»։ 


Փետրվարի 14-ին Սեւակը ելույթ կունենա Հայկ Պետրոսյանի համերգ-ներկայացմանը. «Ես ու Սոնա Ռուբենյանը հյուրի կարգավիճակով սիրային թեմայով երգեր ենք կատարելու, կլինեն զուգերգեր ու անհատական երգեր։ Այնուհետեւ մարտ-ապրիլ ամիսներին մի քանի երգիչների ու դերասանների հետ կմեկնենք ռուսաստանյան քաղաքներում հավաքական համերգների»։

Սեւակ Ամրոյանն այցելել է Միացյալ Նահանգներ


Ինչպես տեղեկացրել է Սեւակը, մայիսին նորից կայցելի Միացյալ Նահանգներ, այս անգամ՝  ելույթներով. «Նախատեսված է երկու մեծ համերգ. տարբեր կատարողների հետ ժողովրդական երգի երեկու կունենանք։ Շատ երկրներում եմ եղել, կարծում եմ՝ ամերիկահայերն ավելի կարոտով են սպասում, միգուցե պատճառը հեռավորությունն է»։

Today's most read news !
  • Սոֆի Դեւոյան.«Թոռնիկս մյուսների նախանձը չի առաջացնում»
  • Դերասանուհի Էթերի Ոսկանյանի նոր ֆոտոշարք ունի
  • Ես գեղեցիկ եմ, եւ իմ սիրտը զբաղված է. երիտասարդ դերասանուհի Եվա Զոհրաբյանը՝ կարիերայի և անձնական կյանքի մասին
  • Իսկ դուք գիտեք՝ քանի տարեկան են հայ հայտնիները
  • Զառան՝ «Քարե դարդ»-ի և ամերիկյան շրջագայության մասին
  • Զույգերը կարող են վիճել, բայց չդադարել սիրել. Արծրուն Չոբանյանը՝ «Փշրված պատրաքների մի գիշեր» ներկայացման մասին
  • Մերկել-Էրդողան «հակամարտությունն» ու Հայոց ցեղասպանությունը
  • Վերջին հրաժեշտը «Հաց բերողին»
Comments

Name: