Ամուսնության առաջարկ՝ Մարտ Բաբայանի ու իր փեսա ընկերների կողմից

Ամուսնական թեմայով երգ՝ առանց հարսի՝ օրեր առաջ Մոսկվայում նկարահանվել է Մարտ Բաբայանի «Выходи за меня» երգի տեսահոլովակը, որտեղ միայն արական սեռի ներկայացուցիչներ են։ Նոր աշխատանքի մանրամասներն ու «բեքսթեյջ» լուսանկարները երգիչն առաջինը տրամադրել է BRAVO.am-ին:   

Մարտ Բաբայանի «Выходи за меня» տեսահոլովակի նկարահանումներին


Նրա պրոդյուսեր Սոֆյա Ղուլյանը հայտնել է, որ, ըստ սյուժեի, չամուսնացած տղաները հոլովակի միջոցով առաջարկություն են անում սիրելիներին։ Հերոսները տարբեր ազգերի ներկայացուցիչներ են՝ վրաց երգիչ Նոդար Ռեւիան, ռուսաստանյան կինոյի ու թատրոնի դերասան Միքայել Արամյանը, երգիչներ Էդվարդ Խաչարյանը, Վիդոլդ Պետրովսկին, Գրիգորի Յուրչենկոն, Էդգարը, նաեւ հրեա, գնչու, հույն եւ այլ ազգերի տղաներ։ 

Դերասան Միքայել Արամյանը` Մարտ Բաբայանի նոր հոլովակի նկարահանումներին

Ռեժիսորը մոսկվաբնակ ռեժիսոր Զառա Նազարյանն է, օպերատորը՝ Սուրեն Թադեւոսյանը։ Զառան Ռուսաստանում նկարահանել է վավերագրական ֆիլմեր ու հոլովակներ, մասնագիտությամբ բեմադրիչ-ռեժիսոր է, Մարտի հետ առաջին անգամ է աշխատում.«Սյուժեում շեշտը դրվել է հերոսների զգացմունքների ու հույզերի վրա։ Քանի որ երգն ամուսնության առաջարկի մասին է, յուրաքանչյուրն իր տարբերակով է սեր խոստովանում, օրինակ՝ համր տղան՝ ժեստերի լեզվով։ Հերոսների մեծ մասը հայտնի մարդիկ են, քանի որ խիտ գրաֆիկ ունեն, համոզված չէինք՝ կկարողանան նկարահանման օրը գալ։ Սոֆյան զբաղվում էր կազմակերպչական հարցերով, ես տեղում ծանոթացա նրանց հետ, միասին հեշտությամբ աշխատեցինք»,-նշել է ռեժիսորը:  

Սոֆյա Ղուլյանը եւ Մարտ Բաբայանի «Выходи за меня» հոլովակի փոքրիկ հերոսները

«Выходи за меня» երգը մի քանի ամիս հնչում է ռուսական ռադիոալիքներով, հեղինակը Մարտն է, խոսքերը գրել է Աննա Գալկինան, գործիքավորել են Կարենն ու Սեւակը։ Պրոդյուսերի խոսքով՝ ռուսական շուկայում երգը հասցրել է սիրվել ու իր նպատակին ծառայել.«Մարտի կարծիքով՝ այնքան է հնչել, որ հոլովակի կարիք արդեն չկար, համոզում էր, որ այլ երգի հոլովակ նկարենք, բայց ես ոչ մի րոպե չեմ կասկածել, որովհետեւ մնայուն երգ է»,-պատմել է Սոֆյան ու հավելել, որ երգիչը հրավերների դեպքում ելույթ է ունենում Մոսվայի ժամանցի տարբեր վայրերում:

Today's most read news !
  • Կարեն Կարապետյանի պատասխանը Սերժ Սարգսյանին
  • Անձի երկվություն. Սերժ Սարգսյանի անբուժելի հիվանդությունը
  • Մարմնավաճառները գաղութում «տեսակցելու» էին Լեդի Հակոբի եղբորորդուն ու ընկերներին. 2 աշխատակից դատապարտվեց
  • Էմիլ Գալստյանը` «Քարե դարդ»-ն այլևս չհեռարձակելու լուրերի մասին
  • Վաղուց շատ լավ եմ ինձ զգում, ոչ մի խնդիր այլևս չկա. Գոռ Սուջյանն՝ իր առողջականի մասին
  • Արթնանում եմ առավոտյան 07:00-ին, որպեսզի համապատասխան տեսք ունենամ. Մհեր Խաչատրյանը՝ աշխատանքի և «Դոմինո»-ում նկարահանվելու մասին
  • Նոր մանրամասներ՝ Քիմ Քարդաշյանի վրա կատարված հարձակումից
  • Քանյե Ուեսթը բժիշկների խորհրդով է բաց թողել Գրեմմին
Comments