Անի Քրիստին ինչ առիթով էր կրկին Երեւանում

Անի Քրիստին 2016 թվականին հայրենիք վերադառնալու մի քանի առիթ ունեցավ: Ամերիկաբնակ երգչուհին վարում էր Հանրայինի «Ամենակարող երգիչ» շոուն, իսկ տարեվերջին տեղի ունեցավ նրա երեւանյան ակումբային մենահամերգը եւ Լոս Անջելեսի համերգի DVD սկավառակի շնորհանդեսը: Օրեր առաջ ճանապարհներն Անիին դարձյալ Երեւան են բերել, իսկ թե ինչ առիթով, նա պատմել է BRAVO.am-ին:

Անի Քրիստին


«Նախորդ այցիս ժամանակ պետք է մասնակցեի «Բենեֆիս»-ի նկարահանումներին: Առաջին եթերաշրջանում այդպես էլ չստացվեց: Արման Աղաջանյանի հորդորով եւ նախաձեռնությամբ միասին եկանք, քանի որ պետք է մասնակցեինք նաեւ մեր լեգենդար երգչուհի Էլվինա Մակարյանին նվիրված «Բենեֆիս»-ին»,-ասել է Անին եւ հավելել, որ սա երեւանյան իր ամենակարճ ուղեւորությունն էր` միայն 5-6 օր:

Անի Քրիստին
Երգչուհու խոսքով` նկարահանումներն անցել են դրական ու հուզիչ մթնոլորտում: «Քեզ», «Իմ լռություն» եւ մյուս երգերը կատարելիս զգացել է ներկաների ջերմությունն ու վերաբերմունքը: Ուրախ է, որ 10-15 տարվա պատմություն ունեցող երգերը սիրված են ու չեն մոռացվել: Հաղորդման շրջանակում Անին իր հանդիսատեսի հետ եւս մեկ անգամ անկեղծանալու առիթ է ունեցել, հանդիպել հարազատ ու սիրելի մարդկանց հետ:


Խոսելով առաջիկա ծրագրերից` նա նշել է, որ նոր երգեր, տեսահոլովակներ կլինեն, ընթացքի մեջ են նաեւ Գլենդելում իր վոկալ-ստուդիայի բացման աշխատանքները: Իսկ թե առաջիկայում երբ կրկին Երեւան կգա, Անին նշել է.«Նկարահանումից հետո շատերն էին հարցնում այդ մասին: Կատակով բոլորին ասել եմ`երբ որ Հանրային հեռուստաընկերությունը դարձյալ հրավիրի»:

Today's most read news !
  • Սոֆի Դեւոյան.«Թոռնիկս մյուսների նախանձը չի առաջացնում»
  • Դերասանուհի Էթերի Ոսկանյանի նոր ֆոտոշարք ունի
  • Ես գեղեցիկ եմ, եւ իմ սիրտը զբաղված է. երիտասարդ դերասանուհի Եվա Զոհրաբյանը՝ կարիերայի և անձնական կյանքի մասին
  • Իսկ դուք գիտեք՝ քանի տարեկան են հայ հայտնիները
  • Զառան՝ «Քարե դարդ»-ի և ամերիկյան շրջագայության մասին
  • Զույգերը կարող են վիճել, բայց չդադարել սիրել. Արծրուն Չոբանյանը՝ «Փշրված պատրաքների մի գիշեր» ներկայացման մասին
  • Մերկել-Էրդողան «հակամարտությունն» ու Հայոց ցեղասպանությունը
  • Վերջին հրաժեշտը «Հաց բերողին»
Comments

Name: