Սոնա-Դավիթ զույգն առաջին անգամ խոսում է իրենց հարաբերությունների մասին. Wnews.am


Առաջին հայացքից չափազանց տարբեր թվացող այս  զույգն արդեն տևական ժամանակ է միասին է:  Ռեփեր Դավոն և «Մասնագիտությամբ լրագրող» Սոնան առաջին անգամ  Wnews.am-ում խոսում են իրենց հարաբերությունների մասին:
Վառ, երիտասարդ  ու…սիրահարված՝ Սիրո տոնի առթիվ ավելի հաճելի զրուցակիցներ հնարավոր չէր գտնել: 
 
Ե՞րբ եւ  ի՞նչ պայմաններում կայացավ ձեր առաջին հանդիպումը: 
 
Սոնա – 2008 թվականին ես աշխատում էի Հանրային հեռուստաընկերությունում, իսկ Դավիթը այդ տարիներին ամենաակտիվ գործող ռեփերներից էր, այնպես որ մեր առաջին հանդիպումը նկարահանման ֆորմատում էր։
Դավիթ – Ես շատ լավ եմ այդ նկարահանումը հիշում, որովհետև եկան մեր տուն, ամբողջ տունը խառնեցին իրար՝ լավ ֆոն գտնելու համար, ժամերով հարցազրույց արեցին, որից մոնտաժից հետո եթերում թողեցին մի քանի վայրկյան։
Սոնա- Անկեղծ ասեմ՝ ռեպորտաժը շատ երկար էր ստացվել ու մենք գիտեինք, որ միակ մարդը, ով չի նեղանա մեզնից ու ադեկվատ կվերաբերվի մոնտաժին, Դավիթն էր: Իրեն էլ մոնտաժեցինք։
 
 
Ինչպե՞ս գործնական հանդիպումը  վերածվեց  մեծ զգացմունքի:
 
Դավիթ– Առաջին հանդիպումից հետո ծանոթացանք, բայց առանձնապես չընկերացանք, երկրորդ անգամ հանդիպեցինք չորս տարի հետո մեր ընկերների՝ Աելիտայի ու Կարենի հարսանիքին, դրանից հետո էլ սկսեցինք ակտիվ շփվել սկզբում օնլայն, հետո ՝օֆլայն։
 
Սոնա– Ժամադրության մասին ցանկացած թեմայից ես շեղվում էի, որովհետև ինձ թվում էր, որ մենք շատ տարբեր ենք թե՛ կերպարներով, թե՛ ապրելակերպով, և օնլայն շփումը բավական է։ Հետո ինձ համոզեցին դուրս գալ հանդիպման Դավոյի պատմությունները քաղաքի ամենահամեղ նարնջով տորթի մասին։ Գնացինք տորթ ուտելու, պարզվեց՝ տորթը այդքան էլ լավը չէր, բայց մենք իրար հետ խոսելու ավելի շատ ընդհանուր թեմաներ ունեինք, քան պատկերացնում էի։
Today's most read news !
  • Տաթևիկի ամուսինը ներկա է եղել նրա ծննդյան խնջույքին. Մենեջերը՝ Տաթևիկ Ադումյանի ամուսնալուծության լուրերի մասին
  • Լիկա Սալմանյանի 21-ամյակի երեկույթն ու սիրելիի անակնկալը
  • Ինչպես է անցել Աննա Դովլաթյանի ծննդյան խնջույքը
  • Արմավիրցի 26-ամյա տղամարդը տանուլ տված 80 հազարը «հետ բերելու» համար օղու շշով հարվածել է գյուղի խանութի վաճառողուհու գլխին
  • Սիլվա Հակոբյանի հայրիկը՝ երգչուհու ամուսնության ու աշխատանքային ծրագրերի մասին
  • Մեր դուստրն իր ներկայությամբ բոլորին հանգստություն է պարգեւում. Գայանե Հովհաննիսյանն՝ իր ու Ռոլանդ Գասպարյանի փոքրիկի մասին
  • «Պաշարվածները». նոր փաստավավերագրական ֆիլմ՝ 91-92թթ. սովի ու հրի մատնված Ստեփանակերտի մասին
  • Արցախը ոչ թե կարող է, այլ պարտավո՛ր է «Իսկանդերով» հարվածել. Նորատ Տեր-Գրիգորյանց
Comments
Loading...